من بداية حملة كلهن ليلى وحتى الآن ... تصفحت معظم المدونات التى دلت بدلوها فى تلك القضيه..
فوجدت ان كل "الليلاوات" قد ارتدين جلباب المغلوبات على امرهن المظلومات.... المعرضون للقهر على ايدى الوحوش الكاسره المسماه بالرجال..
كلهن ضحايا...
كلهن نظرن الى الجانب المظلم السودوى السلبى...
نظرن الى من استباح راتب زوجته العامله .. ولم بنظرن الى من اثقلت كاهل زوجها محدود الدخل بالطلبات الغير ضروريه والكماليات وعيّرته بضيق ذات يده حتى دفعته للسرقه او الإختلاس!!
ولم ينظرن الى الرجل الذى ترك البلاد وسافر بحثاً على توقير حياه رغده لزوجته فأخذت كل مدخراته ووضعتها فى البنوك باسمها وعندما عاد اخذت المال وتركته كما ذهب!!
المهم ... قصدى زى ما انتوا فيكوا المقهورات المظلومات ..ففيكن ايضاً المتسلطات الظالمات..
وعلى فكره بقى اذا كنتن كلكن ليلى... فكلنا حسنين!!
هناك 5 تعليقات:
يسلم فومك :))
والله أنا محبتش أكتب السنة دي عشان الموضوع لقيته رطرط وبقى أقرب للكلام الفاضي ...
أنا كتبت ما يشبه كلامك ده في اليوم الأول لليلى من سنتين - إبقى شوفه لو فاضي :)
ياريت تراجع ردى على تعليقك فى مدونتى
ده اولاً
:))
ثانياً : انا معاك ان فيه ستات متسلطات و ظالمات .... و دول بالتأكيد مش ليلى
و من نفس المنطلق النماذج السلبية من الرجال اللى ذكرتها انا و غيرى - بالتأكيد - مش حسين
:))))
الى Geddo Iskandar و Pink Unicorn
شكراً على اهتمامكما بالتعليق، ولعلها تكون بدايه للتعارف لفتح مجالات عده للمناقشات المثمره..
واهلاً بكما فى المدونه (؛
كلامك جميل يا واحد من الناس بس هقولك حاجة .. لما كتبنا في كلنا ليلى كتبنا عن الظلم والقهر لأن الجانب المشرق بيظهر في مجالات تانية ولأن الستات المتسلطات الرجالة ما بيتوصوش وبيكتبوا عنهم
دا كمان في الكاريكاتيرات وفي المقالات الساخرة دايماً بيقولوا ان الزوجة متسلطة ومفترية و ...... و...... الخ الخ وماحدش في مرة بيقول كلمة كويسة عن مراته حتى لو بيحبها وحتى لو هي مش متسلطة ولا حاجة .. فاحنا بنعمل بنظرية عصا البريجيب .. هى مقوسة أوي فبنثنيها من الناحية التانية علشان تتعدل ..
إلى سمو الأميرة سارة:
اتفق معك فيما كتبت ولكن ليس كله...
وخلى بالك حتى لا تنكسر العصا...
وأهلاً بك فى المدونه
إرسال تعليق