انا الأن فى دبى فى تدريب خاص بالشركه اللى باشتغل فيها لمدة شهرين وامتحانات بقى وحاجات تفكرك بأيام الكليه.
المهم لسه ماكملتش اسبوع وابتديت افتقد مصر بجد، مع كل التقدم الرهيب فى دبى الا انها ليست مفعمه بالحياه زى مصر.. فعلا صدق اللى قال مصر ام الدنيا مش حكايه وطنيه وانتماء اوى قد ما هى حكاية ألفه...
يعنى هنا مثلاً متقليش سواق ميكروباص بيحدف عليك ولا تلاقى غسيل منشور من احدى البلكونات عمال يهفهف ولا تلاقى واحد معدى مش عارف بيبيع ايه عمال ينادى عليه ولا تلاقى ناس ماشيين كتير فى الشوارع تقريباً هنا مبتلاقيش حد ماشى فى الشوارع الا فى مناطق الأسواق غير كده البلد هسهس عربيات عماله بتجرى فى طرق معموله بذمه زيادة عن اللزوم وعمارات شاهقة الارتفاع برده زياده عن اللزوم ةايضاً فارهه زياده عن اللزوم.
مافيش الشوارع المفعمه بالحياه بتاعة مصر..
يمكن لما ارجع مصر ان شاء الله افتقد الجو بتاع دبى جايز !!!
المهم دعواتكم اعدى فى التدريب ده لحسن العمليه جد وامتحانات مفيش هزار...
سلام الى حين نلتقى واللى عايز حاجه يبعتلى...
هناك 5 تعليقات:
.
لالالا متكلفش نفسك
كفايه اوى اللاب توب والعربيه
وال10 حتت قماش ودسته التاييرات
غير كدة بقى متنساش شويه البرفانات وعلب المكياج
والباقى بقى ملوش لازمه
وربنا يا سيدى يرجعك مصر بالسلامه ولا تتحرم من طوابيرها ولا مجاريها الطافحه
.
صفاء:
ياه بس كده.. طلباتك أوامر يا فندم..
وهديه من عندى الكاميراالديجيتال والاى بود ونظارة شمس ريبان آخر صحيه.
شكراً..الله يسلمك بس بلاش المجارى الطافحه كفايه اوى الطوابير..
تحياتى..
ربنا معاك و يوفقك إن شاء الله
و شد حيلك في المذاكرة
هي هتكون متعبة شوية , بس بعد التعب أكيد فيه راحة
ربنا يخليك لينا إحنا بس عايزينك بعد ما ترجع تعمل مقارنة ما بين هناك و هنا
طبعا هيكون في فرق كبير
عموما تحياتي ليك دوما
مش عارفه الدنيا وخدانى على فين:
اولاً: شكراً على الدعوتين الحلوين دول..
ثانياً: طبعا هو الفرق كبير بس برده مصر فيها ميزات كتييير مش فى دبى... لما ارجع ان شاء الله لينا كلام تانى..
وشكراً لتشريفكم مدونتى... تحياتى
This is such a nice addition thanks!!!
شات صوتي
عرب كول
شات مغربي
انحراف كام
شات عربي
غلا الروح
شات الغلا
غلا روحي
شات صوتي
شات صوتي
شات عذاب
عذاب كول
عذاب كام
شات كام
إرسال تعليق